Хизмат ба ватан

Кӯлоб, 7 декабр. (АМИТ «Ховар», Ф. Мадаминов). – Комиссариати ҳарбии шаҳри Кӯлоб фаъолияти худро дар асоси низомномаи ҳарбии Вазорати мудофиа ба роҳ монда, нақшаи сафарбар намудани ҷавонон ба хизмати ҳарбиро сари вақт иҷро намуд. Ин аз он шаҳодат медиҳад, ки корҳои фаҳмондадиҳии моҳияти ҳарбидошта, вохӯриҳо бо мактаббачагон, донишҷӯён ва ҷавонон дар шаҳр хуб ба роҳ монда шудааст. Мутобиқи нақша 181 нафар ҷавон ба адои хизмат дар сафи Артиши миллӣ сафарбар гардид. Аз ин ҳисоб 52 нафар ҷавон ихтиёран ба хизмати ватан раҳсипор гардид. Соли ҷорӣ 15 нафар ҷавонписар ба мактабҳои олии ҳарбӣ ва коллеҷҳо пазируфта шуданд.