Хизматчиёни давлатӣ соҳиби манзил гардиданд

Душанбе, 30 декабр. (АМИТ «Ховар», Бекназари Абӯбакр). — Субҳи имрӯз раиси вилояти Суғд Қоҳир Расулзода ба соҳибони хонаи истиқоматии навбунёди маҳаллаи 20-уми шаҳри Хуҷанд дар вазъияти тананавӣ ордер ва калиди хонаро супорид.Раиси вилоят дар арафаи соли нави 2012-ум бунёд ва мавриди истифода қарор гирифтани бинои 4-ошёнаи 16-ҳуҷрадорро, ки дар мавзеи хушманзараи қисмати соҳили рости Хуҷандшаҳр қомат афрохтааст, нек арзёбӣ кард ва соҳибманзилонро бо ин рӯйдоди фараҳбахш табрик намуд. Арзиши лоиҳавии иншоот 4,5 миллион сомонӣ буда, аз ҳисоби буҷети шаҳри Хуҷанд маблағгузорӣ гардидааст. Супоришгари иншоот идораи сохтмони асосии шаҳр аст. Онро бинокорони ҶДММ «Хонасози Хуҷанд» дар як муддати кӯтоҳ бо сифати баланд сохта ба истифода доданд.Аз маркази матбуоти маъмурияти шаҳри Хуҷанд ба АМИТ «Ховар» иттилоъ доданд, ки 16 оилаи хизматчии давлатӣ, ки кормандони соҳаҳои маорифу, фарҳанг, тандурустӣ, сохторҳои ҳифзи ҳуқуқу тартибот ва мақомоти иҷроияи ҳокимияти давлатианд, соҳиби хона гардиданд.