Хуҷандиҳо соҳиби замин мешаванд

Декабрь 1, 2011 16:07

Душанбе, 1 декабр. (АМИТ «Ховар», Бекназари Абӯбакр). — Тақсимоти қитъаи замин барои сохтмони манзили шаҳрвандон аз маҳаллаҳои 1-ум ва 2-юми шаҳри Хуҷанд идома дорад. Бо ин мақсад заминҳои доманакӯҳи Мевағул аз ҷониби ташкилотҳои пудратӣ ҳамвор карда, барои сохтмони хонаҳои истиқоматии хусусӣ мувофиқ гардонида мешаванд.
 
Имрӯз аз ҳисоби заминҳои ҳамворшуда боз 9,54 гектар замин ҷудо карда ба 159 оилаи эҳтиёҷманди манзил тақсим карда шуд.
 
Раиси шаҳри Хуҷанд Раҷаббой Каримов дар маросими тақсимоти замин ҳамаи онҳоеро, ки соҳиби қитъаи замини наздиҳавлигӣ гардиданд, табрик намуд ва хоҳиш кард, ки ба хотири ободию зебоии маҳаллаҳои бунёдшаванда, беҳдошти симои меъмории ҳам минтақа, ҳам маҳалла ва ҳам шаҳр сохтмони иншоотро тибқи лоиҳаҳое, ки аз ҷониби мутахассисон пешниҳод шудаанд, ба роҳ монанд.
 
Аз маркази матбуоти маъмурияти Хуҷанд ба АМИТ «Ховар» иттилоъ доданд, ки аз аввали маъракаи тақсимоти замини наздиҳавлигӣ аз ҳисоби заминҳои маҳаллаҳои 1-ум, 2-юм ва мавзеи «Чашмаи арзана» 793 оилаи хуҷандӣ соҳиби қитъаи замин гардиданд.

Декабрь 1, 2011 16:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд