Иқдоми СҲИ

Душанбе, 21 декабр.(АМИТ «Ховар», Марзия Саидова).-Муасссисаи фарҳангии Созмони ҳамкориҳои иқтисодӣ /СҲИ/ тасмим гирифтааст, ки ба муносибати ҷашни ҷаҳонии Наврӯз, ки қарор аст дар соли 2012 дар Тоҷикистон таҷлил гардад, мақолаҳои донишмандони собиқ кишварҳои шӯравиро дар бораи устод Рӯдакӣ ва «Наврӯзи Тоҷикистон» нашр намояд. Ҳамзамон ин муассисаи фарҳангӣ ният дорад, ки дар Тоҷикистон ҷашнвораи ҳунари грофик ва давраҳои омӯзиширо дар Донишгоҳи ҳунарҳои зебои Тоҷикистон баргузор намояд. Ин иқдоми СҲИ дар доираи ҳамкориҳои фарҳангии созмони мазкур бо Тоҷикистон амалӣ гардонида мешавад. Мавриди зикр аст, ки СҲИ дар худ даҳ кишвари ҷаҳонро муттаҳид менамояд ва қароргоҳаш дар Теҳрон воқеъ гардидааст. Ҷумҳурии Тоҷикистон аз соли 1993 ба узвияти созмони мазкур пазируфта шудааст.