Касбияти имомхатибон мавриди таҳлил қарор мегирад
Душанбе, 12 декабр.(АМИТ «Ховар», Марзия Саидова).- Дар соли 2012 қисми зиёди иҷрои ҷамъоварии маблағҳо ба буҷаи шаҳрӣ ва буҷаи ноҳияҳои пойтахт барои таъмиру барқарорсозии роҳҳо ва пиёдарвҳои ҳудуди шаҳраку маҳаллаҳо сафарбар гардида, баҳри иҷрои босифати корҳо ташкилоти соҳибтаҷрибаи пудратӣ тавассути озмуни кушод ҷалб карда хоҳад шуд. Ин матлаб дар ҷаласаи шаҳрдорӣ, ки дар ҳузури Маҳмадсаид Убайдуллоев, раиси шаҳри Душанбе баргузор гардид, зикр шуд. Назар ба иттилои Шавкат Саидов, котиби матбуотии раиси шаҳр, дар ҷаласа, ки намояндагони парлумони мамлакат, вакилони шаҳрӣ, фаъолони пойтахт, масъулини Кумитаи оид ба корҳои дини назди Ҳукумати ҷумҳурӣ, Шӯрои уламои Маркази исломии ҷумҳурӣ, роҳбарони мақомоти ҳифзи ҳуқуқ ва ходимони дин иштирок доштанд, масъалаи роҳ надодан ба махлутсозии фазои динию мазҳабӣ ва унсурҳои бегонаву тафриқаангез матарҳ гардид. Дар ин робита зикр шуд, ки бо истифода аз хиради азалӣ, қонунгузории кишвар ва таҳкими асолати давлатдории дунявӣ тадбирҳои мушаххас андешида шаванд. Дар ҷаласа қарор қабул гардид, ки баҳри таҳкими минбаъдаи фазои ваҳдати динию мазҳабӣ дар пойтахт касбияти имомхатибони масҷидҳои ҷомеъ ва панҷвақтаи шаҳри Душанбе аз ҷониби Шӯрои таъсисгардида таҳти раёсати раиси Шӯрои уламои Маркази исломии ҷумҳурӣ, имомхатиби масҷиди ҷомеи Марказии шаҳри Душанбе Саидмукаррам Абдуқодирзода ба таври доимӣ мавриди таҳлил қарор гирад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






