Конфронс аз рӯи қазияи Афғонистон
Маскав, 5 декабр. (АМИТ «Ховар», Ҳалима Хушқадамова). – Ҳайати Созмони Аҳдномаи Амнияти Дастаҷамъӣ (СААД) бо роҳбарии Дабири кулли СААД Николай Бордюжа дар Конфронси байналмилалии намояндагони олимақом аз рӯи қазияи Афғонистон иштирок менамояд. Дар конфронс, ки 5 декабри соли 2011 дар шаҳри Бонни Ҷумҳурии Федеролии Олмон таҳти раёсати Президенти Ҷумҳурии Исломии Афғонистон Ҳамид Карзай баргузор мешавад, вазирони корҳои хориҷии кишварҳои асосии ҷаҳон ва роҳбарони созмонҳои байналмилалӣ низ ширкат меварзанд.Дар конфронс масоили марбут ба то соли 2014 дар ихтиёри артиш ва пулиси Афғонистон гузоштани масъулияти Қувваҳои байналмилалии мададгори амнияти Афғонистон, ӯҳдадориҳои дарозмуддати ҷомеаи ҷаҳон ҷиҳати мадад ба Афғонистон дар давраи аз соли 2015 ио соли 2024 мавриди муҳокима қарор хоҳанд гирифт. Иштирокдорони конфронс ҳамчунин раванди мусолиҳаи миллиро арзёбӣ мекунанд. Давлатҳои аъзои СААД аз рӯи проблемаи мусолиҳаи миллӣ ва ободонии Афғонистон гуфтушуниди судбахшро анҷом медиҳанд. Имрӯз Созмони Аҳдномаи Амнияти Дастаҷамъӣ ҳамкориро бо СММ ва Созмони Амнияти Ҳамкории Аврупо (САҲА) ҷиҳати ҳалли вазъияти Афғонистон вусъат мебахшад.Дар ин бора ба хабарнигори АМИТ «Ховар» дар Федератсияи Русия котиби матбуоти СААД Владимир Зайниддинов хабар дод.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
