Конфронс дар мавзӯи «Ҳамгироии Афғонистон»

Душанбе, 2 декабр. (АМИТ «Ховар», Людмила Дубинина). – Мавзӯи конфронси ҷумҳуриявӣ, ки чанде пеш дар шаҳри Душанбе баргузор гардид, «Ҳамгироии Афғонистон бо василаи татбиқи лоиҳаҳои иқтисодӣ ва таъсири он ба вазъи Осиёи Марказӣ» буд.Дар конфронс Сафир, роҳбари Бюрои Созмони Амнияту Ҳамкории Аврупо (САҲА) дар шаҳри Душанбе Ивар Вики ва директори Маркази «Вектор интеллект», Созмондиҳандаи конфронс Нигина Сатторова суханронӣ карданд. Дар ҷараёни мубоҳиса муншии аввали Сафорати Федератсияи Русия дар Тоҷикистон Сергей Колотнитский, мушовири Сафорати Ҷумҳурии Беларус дар Ҷумҳурии Тоҷикистон Олег Вонсяк, ҳамчунин намояндагони Иттиҳоди Аврупо, Барномаи рушди СММ, сафоратҳои Ҳиндустону Туркия ва шахсони дигари расмӣ фикрашонро дар мавриди ин қазия баён намуданд.