Кормандони молия иди касбиашонро таҷлил мекунанд

Душанбе, 6 декабр. (АМИТ «Ховар», Покиза Маҳмадбекова). – Дар Тоҷикистон бори нахуст иди касбӣ — Рӯзи кормандони молия таҷлил мешавад. 7 декабр дар Вазорати молияи кишвар бахшида ба ин сана маҷлиси ботантана баргузор гардида, дар он намояндагон ва мутахассисони таҷрибадори бахши молияи мамлакат иштирок менамоянд. Мувофиқи хабари маркази матбуоти Вазорати молияи Ҷумҳурии Тоҷикистон, аз ин пеш дар кишвари мо рӯзи кормандони молия ба таври ғайрирасмӣ қайд мешуд. Қобили зикр аст, ки Вазорати молияи Тоҷикистон имсол 87 – солагии худро таҷлил менамояд. Вазорати молия тайи таърихи худ дар амри пиёда намудани сиёсати молиявии кишвар яке аз мақомҳои асоситаринро касб намудааст. Ҳоло дар системаи молиявии Тоҷикистон мутахассисони варзидае фаъолият доранд, ки ба ҳалли вазифаҳои мураккабтарин қодир буда, ба нозукиҳои қонуни буҷаву андоз ба осонӣ сарфаҳм мераванд. Вазорати молияи Ҷумҳурии Тоҷикистон 7 декабри соли 1924 таъсис ёфта буд.