Лоиҳаи «ДИПЕЧО» амалӣ мешавад

Душанбе, 1 декабр. (АМИТ «Ховар», Пайрав Назаров ). – «Омодагӣ ба офатҳои табиӣ маънои ҷилавгирии талафоти молию ҷониро дорад» — чунин аст мароми омодагӣ ба офатҳои табиии Лоиҳаи «ДИПЕЧО», ки соли 1998 Комиссияи Аврупо ба татбиқи он шурӯъ карда буд. Панҷ кишвари Осиёи Марказӣ аз ҷумлаи Қазоқистон, Қирғизистон, Ӯзбекистон, Тоҷикистон ва Туркманистон аз моҳи марти соли 2012 онро роҳандозӣ мекунанд.Тавре дар расонаҳои матбуот зикр мешавад, Намояндагии Раёсати Комиссияи Аврупо оид ба кӯмаки башардӯстона ва ҳифзи аҳолӣ ба манзури муҳокимаи силсилаи 7 – уми Лоиҳаи «ДИПЕЧО» дар Осиёи Марказӣ якчанд мулоқотро бо ҳамтоёнаш анҷом дод. Ҳамтоёни доимии «ДИПЕЧО» аз ҷониби СММ, ҷунбиши Салиби Сурх ва Ҳилоли Аҳмар, ҳамчунин ҷонибҳои дигари асосии бахши омодагӣ ба офатҳои табиӣ барои муҳокимаи масоили оид ба коҳиш додани хавфу хатари офатҳои табиӣ ҷамъ омаданд.Дар ин бора ба АМИТ «Ховар» дар намояндагии Иттиҳоди Аврупо дар Тоҷикистон хабар доданд.