«Локомотив» ва «Рубин» дар марҳилаи плей-офф

Душанбе, 16 декабр. (АМИТ «Ховар», Аловиддин Бӯриев).- Дар охирин дидорҳои лигаи Аврупо ду дастаи футболи Русия: «Локомотив» ва «Рубин» тавонистанд ба марҳилаи навбатии бозиҳо роҳхат гиранд. «Локомотив» дар вохӯрии охири худ аз «Андерлехт» бо ҳисоби 5 бар 3 мағлуб шуда бошад ҳам, тавонист пеш аз мӯҳлат соҳиби холҳои бештар гардида, аз гурӯҳи «Л» якҷоя бо «Андерлехт» аз зинаи дуввум ба бозиҳои плей-офф роҳхат гирад. «Рубин» дар бозии даври охирин бо душворӣ бо пешсаф, дастаи «ПАОК» вохӯрда, натиҷаи мусовии 1 бар 1-ро соҳиб шуд ва ба даври дигар гузашт. Дастаҳои футболи Русия, «Зенит», ССКА, «Рубин» ва «Локомотив» дар бозиҳои лигаи қаҳрамонҳо ва лигаи Аврупо нишон доданд, ки сатҳи футболи ин кишвар дар Аврупо соҳиби эҳтиром ва таваҷҷӯҳи бештар ҳаст.