Майдони марказиро арчаи солинавӣ шукӯҳ мебахшад
Душанбе, 13 декабр.(АМИТ «Ховар», Марзия Саидова).- Ба ифтихори истиқболи сазовори соли нави 2012-и мелодӣ дар майдони «Дӯстӣ» -и пойтахт арчаи солинавӣ бо баландии 21 метр гузошта мешавад. Дар робита ба ин Маҳмадсаид Убайдуллоев, раиси шаҳри Душанбе қарори марбутаро ба тасвиб расонд. Тибқи нақшаи чорабиниҳои шаҳрдории Душанбе ҷиҳати омодагӣ ва таҷлили Соли нави мелодӣ дар пойтахт 30 декабр дар бинои Сирки давлатӣ барномаи солинавӣ барои кӯдакон ташкил карда мешавад. Назар ба иттилои Шавкат Саидов, котиби матбуотии раиси шаҳри Душанбе, шоми 31 декабр аз соати 20 то 21-30 дақиқа дар майдони «Дӯстӣ» бо иштироки устодони санъат ва ситораҳои эстрадаи тоҷик барномаи консертӣ баргузор мешавад ва он бо мушакпарронии идона анҷом меёбад. Ҳамзамон ҷиҳати истиқболи Соли нави 2012-ум 31 декабр аз сотаи 12 то 14 дар боғҳои фарҳангу фароғатии ба номи устод Айнӣ, «Дӯстии халқҳо», «Кӯли ҷавонон» ва майдони «800-солагии Маскав» арчаи солинавӣ гузошта шуда, барномаҳои идона ташкил мешаванд.10.04.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






