Маросими муаррифии ҳисоботи миллӣ

Душанбе, 14 декабр. (АМИТ «Ховар», Людмила Дубинина). – 15 декабр Маркази тадқиқоти стратегии назди Президенти ҶТ якҷоя бо ташкилоти ҷамъиятии «Маркази геронтологии Осиёи Марказӣ» дар мавзӯи «Ҳисоботи миллӣ оид ба пиршавӣ дар Тоҷикистон» доир менамояд.Назар ба гуфти директори маркази геронтологӣ, саргеронтологи Вазорати тандурустӣ Саодат Камолова, дар Тоҷикистон ҷиҳатҳои мухталифи тарзи зиндагии аҳолии кӯҳансоли 5 минтақаи ҷумҳурӣ бори нахуст таҳлил гардидааст. Ба мизи мудаввар намояндагони Вазорати тандурустӣ ва Пажӯҳишгоҳи тадқиқоти илмии меҳнат ва ҳифзи иҷтимоии аҳолӣ, созмонҳои ҷамъиятию байналмилалӣ даъват шудаанд. Иштироки намояндаи раёсати Котиботи СММ оид ба масоили иқтисодию иҷтимоӣ Олег Серёжин дар кори мизи мудаввар дар назар аст.