Мулоқоти Ҳ. Зарифӣ бо Пйер Морел

Декабрь 9, 2011 14:00

Душанбе, 9 декабр. (АМИТ «Ховар», Пайрав Назаров).- Вазири корҳои хориҷии Тоҷикистон бо Намояндаи махсуси Иттиҳоди Аврупо оид ба Осиёи Марказӣ Пйер Морел мулоқот намуд.
 
Дар рафти мулоқот Пйер Морел ба ҷониби Тоҷикистон оид ба гузаронидани вохӯрии навбатии вазирони корҳои хориҷии Иттиҳоди Аврупо ва Осиёи Марказӣ дар шаҳри Бишкек дар даҳаи дуввуми апрели соли 2012 хабар дод. Ӯ зикр намуд, ки дар рӯзномаи вохӯрӣ масъалаҳои амнияти минтақавӣ дар ҳолати табдилёбандаи вазъи ҳарбию сиёсӣ дар Афғонистон, мувофиқкунии стратегияи Иттиҳоди Аврупо оид ба ҳамкорӣ бо Осиёи Марказӣ дар шароити нав бо назардошти ҳалли мушкилиҳои обию энергетикӣ ва муҳоҷиратро барои баррасӣ ворид шудаанд.
 
П. Морел аз гузаронидани Конфронси минтақавии навбатӣ оид ба Афғонистон (RECCA-V) дар шаҳри Душанбе истиқбол кард ва иштироки худро дар ин чорабинӣ таъйид намуд. Дар навбати худ, Намояндаи махсуси ИА оид ба ОМ аз Тоҷикистон даъват ба амал овард, то дар Конфронси сатҳи баланд CABSI, ки баҳори соли 2012 дар Вена баргузор хоҳад шуд, иштирок намояд.
Вазири корҳои хориҷии Тоҷикистон аз ташаббусҳои охири Ҷумҳурии Тоҷикистон дар мавриди амният дар Осиёи Марказӣ ва пешниҳод роҷеъ ба густариши минбаъдаи ҳамкориҳо бо Афғонистон дар соҳаҳои энергетика, нақлиёт ва омодасозии кадрҳо махсус ёдовар шуд.Дар ин бора аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.

Декабрь 9, 2011 14:00

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд