Мулоқоти вазир бо ҳайати «TUSKON»

Душанбе, 2 декабр.(АМИТ «Ховар», Марзия Саидова).-Гул Шералӣ, вазири энергетика ва саноати ҷумҳурӣ имрӯз бо як гурӯҳ роҳбарони ширкатҳои аъзои Конфедератсияи соҳибкорон ва саноатчиёни «TUSKON»-и Туркия мулоқот намуд. Дар ҷараёни мулоқот ҳамкориҳои дуҷониба дар бахши энергетика, саноати сабук, бахусус коркарди пашму пӯст, нассоҷӣ ва саноати хӯрокворӣ- коркарди шир, меваю сабзавот, коркарди металл, истеҳсоли таҷҳизоти кишоварзӣ баррасӣ гардиданд. Гул Шералӣ роҷеъ ба мавҷуд будани шароити мусоиди ҳамкорӣ дар бахши энергетика, саноат ва сармоягузорӣ, бунёди корхонаҳои муштараки саноатӣ дар минтақаҳои озоди иқтисодии Тоҷикистон табодули назар кард. Ҷонибҳо изҳор доштанд, ки дар ояндаи наздик масълаҳои баррасишударо пайгирӣ ва амалӣ намуда, ҳамзамон лоиҳаҳои мушаххас нисбати онҳо татбиқ хоҳанд сохт.