Муроҷиати шаҳрвандон ба шуғли аҳолӣ

Кӯлоб, 19 декабр. (АМИТ «Ховар», С.Холов). – Дар ноҳияи Восеъ дар 11 моҳи соли ҷорӣ аз тарафи Раёсати Агентии давлатии ҳифзи иҷтимоӣ, шуғли аҳолӣ ва муҳоҷирати ноҳия 1889 ҷойи кор таъсис дода шуда, 283 нафар бо ҷойи кори доимӣ ва вазифаи озод таъмин гардиданд. Маҳмадисо Қурбонов, сардори раёсати мазкур дар робита ба ин мавзӯъ гуфт, ки дар ин давра ба раёсат 1344 нафар муроҷиат кардаву аз ин шумора 455 нафарашон занҳо мебошанд. Ба гуфтаи манбаъ, ҷойҳои нави корӣ асосан дар соҳаҳои саноат, сохтмон, хоҷагиҳои деҳқонӣ, соҳибкорӣ, маориф, тибб ва фарҳанг таъсис дода шудаанд.