Мусодираи 10 килограмм героин
Душанбе, 22 декабр. (АМИТ «Ховар», Анварбек Сиддиқов).- Кормандони Агентии назорати маводи нашъаовари назди Президенти Ҷумҳурии Тоҷикистон дар шаҳри Душанбе аъзои як гурӯҳи муташаккили байналмилалии ҷиноиеро, ки маводи нашъадорро аз Афғонистон ба кишварҳои Осиёи Марказӣ ва сипас ба Федератсияи Русия интиқол медоданд, дастгир намуданд. Дар ҷараёни баргузории амали фаврию ҷустуҷӯӣ автомашинаи тамғаи “Хундай-Галупер”, ки аз ҷониби шаҳрванди 37-солаи ноҳияи Шуғнони ВМКБ идора мешуд, бо гумони асосноки интиқоли маводи мухаддир манъ карда шуд. Дар дохили автомашинаи мазкур ҳамчунин ҳаммаслаки ӯ, шаҳрванди 27-солаи Афғонистон менишаст.Тавре ки аз АНМН ба АМИТ «Ховар» иттилоъ доданд, дар вақти санҷиши автомашина аз дохили он сумкаи варзишӣ бо 10 бастаи маводи мухаддир ёфт ва мусодира карда шуд. Кормандони шӯъбаи ташхиси судии Агентӣ муайян карданд, ки маводи нашъадори мусодирашуда навъи героин буда, вазни он қариб 10 килограммро ташкил намуд.Ҳодисаи дуюми қочоқи маводи нашъадор аз Афғонистон ба Тоҷикистон дар ҷараёни баргузории амалиёти махсус дар шаҳри Хоруғ пешгирӣ карда шуд. Кормандони Раёсати Агентӣ дар вилояти Мухтори Кӯҳистони Бадахшон дар ҳамкорӣ бо кормандони қушӯнҳои сарҳадӣ ҳангоми гузаштан аз минтақаи гумрукӣ шаҳрванди 22-солаи Афғонистон, корманди Комиссариати хадамоти сарҳадии ноҳияи Шуғнони ҶИА-ро бо гумони интиқоли ғайриқонунии мухаддирот дастгир намуданд. Ҳангоми кофтукови шахсӣ аз ӯ маводи сахттаъсири навъи героин ёфта мусодира намуданд.Перомуни ин қазия парвандаи ҷиноӣ боз карда шуд. Дар 11 моҳи соли ҷорӣ кормандони мақомоти ҳифзи ҳуқуқ ва сохторҳои қудратии кишвар аз муомилоти ғайриқонунӣ 4 тоннаву 83 килову 280 грамм маводи нашъаовар мусодира карданд, ки 496 килову 898 грамми онро героин ташкил медиҳад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






