Нақшаи пахтаи соли 2012 муайян шуд

Душанбе, 1 декабр. (АМИТ «Ховар», Лаззат Диловаров).- Бино ба иттилои сардори Раёсати растанипарварии Вазорати кишоварзӣ Аббосхӯҷа Яҳёев, нақшаи кишту ҷамъоварии ҳосили пахтаи соли 2012 ба андозаи 420 ҳазор тонна муайян карда шуд. Ба гуфти А. Яҳёев, зиёд шудани нақшаи кишти пахта на аз ҳисоби васеъ кардани масоҳати кишт, балки аз ҳисоби афзоиши ҳосилнокӣ пешбинӣ шудаст.Ба иттилои манбаъ, масоҳати кишти пахта дар соли 2012 ҳамон 210 ҳазор гектари пештара боқӣ мемонад.Дар соли 2012 ҳосилнокии ҳар гектар на камтар аз 20 сентнерӣ пешбинӣ шуда, ҳаҷми умумии пахтаи нақшавӣ бояд ба 420 ҳазор тонна расонида шавад,- афзуд манбаъ. Ин дар ҳолест, ки дар соли 2011 бо гирифтани 21 сентнерӣ аз ҳар гектар, ҳамагӣ 412,1 ҳазор тонна пахта ҷамъоварӣ шудааст. Пас, дар сурати аз ҳар гектар 20 сентнерӣ бардоштани ҳосил, 420 ҳазор тонна пахтаро чӣ тавр мерӯёнанд ?