Намоишномаҳои солинавӣ дар Сирки давлатӣ

Душанбе, 26 декабр. (АМИТ «Ховар», Людмила Дубинина). – Аз 25 декабр дар Сирки давлатии Тоҷикистон намоишномаҳои солинавӣ барои кӯдакон роҳандозӣ шуданд. Дар чаҳорчӯбаи барнома дастаҳои машҳури бачагонаи «Ғунчаҳои пойтахт», «Лола», «Гулрез», «Ситора» ва «Лаъл» иштирок намуда, ромкунандагони ҳайвонот барномаҳои нави худро намоиш медиҳанд. Ҳамчунин гимнастҳо ва дорбозону тосбозон ҳунарнамоӣ мекунанд. Дар давраи таътили зимистонаи мактабиён ҳар рӯз ду намоишнома манзури тамошобинон гардида, дар онҳо масхарабози дӯстдоштаи тамошогарон, собиқадори сирк Ҷамолиддин Садриддинов иштирок мекунад.