Натиҷаи фаъолият дар соли 2011 ҷамъбаст мешавад

Душанбе, 21 декабр. (АМИТ «Ховар», Покиза Маҳмадбекова ). – 22 декабр дар шаҳри Мински Ҷумҳурии Беларус ҷаласаи Шӯрои намояндагони ваколатдори доимии давлатҳои аъзои Иттиҳод ва мақомоти дигари он баргузор мегардад. Аъзои Шӯро дар ҷараёни ҷаласа натиҷаи корро тайи соли ҷорӣ ҷамъбаст, нақшаҳои ояндаро муайян ва номзадии Роҳбари намояндагиҳо аз ИДМ дар интихоботи президенти Туркманистон муайян ва лоиҳаи рӯзномаи мулоқоти ояндаи худро тасдиқ карданианд.Хотирнишон месозем, ки соли 2011 Намояндаи доимии ҶТ дар мақомоти низомномавӣ ва мақомоти дигари Иттиҳод, Сафири Фавқулодда ва Мухтори Ҷумҳурии Тоҷикистон дар Ҷумҳурии Беларус Қозидавлат Қоимдодов раиси Шӯрои намояндагиҳои доимӣ буд. Дар ҷаласаҳои Шӯро намояндагони доимӣ масъалаҳои фаъолият ва тайини роҳбарони мақомоти мушоҳидони ИДМ дар интихоботи президентӣ ва парлумонии давлатҳои аъзои Иттиҳод ва масоили дигарро мавриди баррасӣ қарор медоданд.Иштироки раиси Кумитаи иҷроия – Котиби иҷроияи ИДМ Сергей Лебедев дар ҷаласа низ дар назар аст. Дар ин бора дар дафтари матбуоти Кумитаи иҷроияи ИДМ хабар доданд.