Ноболиғон даст ба ғорат мезананд

Душанбе, 6 декабр.(АМИТ «Ховар», Лаззат Диловарзод).-Бино ба маълумоти шӯъбаи корҳои дохилии ноҳияи Фирдавсӣ, 26 –уми ноябри соли ҷорӣ истиқоматкунандаи кӯчаи Фирдавсии шаҳри Душанбе Холмо Шарифова дар бораи бо роҳи зӯрӣ ба ғорат бурдани гарданбанди тиллоӣ, ангуштарӣ ва 1 адад телефони тамғаи «Самсунг» бо ариза ба шӯъбаи корҳои дохилии мазкур муроҷиат кардаст. Дар натиҷаи ташкили гурӯҳи фаврии зудамали бахши кофтукови ҷиноӣ ноболиғон- Одинаев Меҳроб Тошмуродович, истиқоматкунандаи кӯчаи Кирови ноҳияи Данғара, соли таваллудаш 1997, ки дар ҳеҷ куҷо намехонад ва Сафаров Хисрав Зарифович, истиқоматкунандаи ноҳияи Восеъ, ки айни замон дар кӯчаи Жилмассив, хонаи 8, шаҳри Душанбе зиндагӣ намуда, дар синфи 8 – уми мактаби таҳсилоти умумии рақами 10 таҳсил мекунад, дастгир шуданд. Дар натиҷаи тафтиш муайян карда шуд, ки ноболиғон бо роҳи ғоратгарӣ аз борхалтаи Х. Шарифова ба маблағи 5280 сомонӣ ҷавоҳироти тиллоӣ ва як адад телефони мобилии тамғаи «Самсунг» -ро ба ғорат бурдаанд. Аз рӯи ин ҳодиса шӯъбаи корҳои дохилии ноҳияи Фирдавсӣ тафтишот мебарад.