Оғози татбиқи лоиҳаи оид ба бемории сил

Душанбе, 13 декабр. (АМИТ «Ховар», Кристина Эрлих). – Дар вилояти Хатлон татбиқи барномаи солона дар ҳошияи лоиҳаи ХОУП (УМЕД) таҳти унвони «Якҷоя бемории силро мағлуб месозем» оғоз ёфт. Ин барнома ба манзури сари вақт расонидани ёрии тиббӣ ба шахсони мубталои бемории сил ва ҷилавгирии он дар амал татбиқ карда мешавад.Дар ин бора ба хабарнигори АМИТ «Ховар» дар намояндагии лоиҳаи ХОУП дар Тоҷикистон хабар доданд. Мувофиқи суханони манбаъ, барнома ноҳияҳои Ховалинг, Шӯрообод, Мӯъминобод ва Темурмалики вилояти Хатлонро, ки соли гузашта дар онҳо теъдоди зиёдтарини беморони сил ошкор гардид, фаро мегирад.