Омори гендерӣ — василаи қонеъ гардонидани эҳтиёҷоти мардум

Душанбе, 27 декабр. (АМИТ «Ховар», Покиза Маҳмадбекова). – Бо ибтикори Агентии омори назди Президенти ҶТ ва Бонки рушди Осиё дар шаҳри Душанбе семинари машваратӣ баргузор гардид.Тавре аз Агентии омори кишвар ба АМИТ «Ховар» хабар доданд, семинар дар ҳошияи барномаи минтақавии « Густариши афзоиш бо назардошти ҷиҳатҳои гендерии кишварҳои Осиёи Марказӣ ва Ғарбӣ», ки мамлакатҳои Қафқози Ҷанубӣ, Осиёи Марказӣ, Афғонистон ва Покистонро дар бар мегирад баргузор гардид. Дар семинар директори Агентии омор Бахтия Муҳаммадиева, директори намояндагии Бонки рушди Осиё дар Тоҷикистон Ҷоҷӣ Такешӣ, ҳамчунин мутахассисони варзидаи вазоратҳо, Шӯрои ҳуқуқшиносон, Прокуратураи Генералӣ, Кумитаи кор бо ҷавонон, Ҷомеаи шаҳрвандӣ, ҳамчунин созмонҳои байналмилалӣ иштирок доштанд.Иштирокдорони семинар натиҷаи фаъолияти минтақавӣ дар бахши ҷамъоварӣ, таҳлил ва истифодаи омори гендериро ба таври мусбат арзёбӣ намуданд.