Рабудани моликияти шахсӣ рӯ ба афзоиш овардааст

Хоруғ, 17 декабр. (АМИТ «Ховар», Л.Додо ). – Тибқи маълумоти сардори дафтари матбуоти Раёсати корҳои дохилии Вилояти Мухтори Кӯҳистони Бадахшон Мизроб Доробов, вақтҳои охир дар шаҳру навоҳии вилоят ҳодисаҳои ба яғмо бурдани моликияти хусусӣ хеле афзудааст. Танҳо тайи як – ду рӯзи охир дар деҳаи Рохари ноҳияи Ванҷ мағозаи соҳибкор Самад Муродов ва дар деҳаҳои Кулеву Вилоҷи ноҳияи Роштқалъа мағозаҳои соҳибкорон Хунибону Сарҳадбекова ва Амрихудо Улфатшоев ба яғмо бурда шуданд.