«Рашки ашк»-и Симо
Душанбе, 23 декабр.(АМИТ «Ховар», Марзия Саидова).- «Рашки ашк» нахустин маҷмӯаи шеъру таронаҳои Шавкат Симо буда, онро нашриёти «ЭР-граф»-и Душанбе аз чоп баровард. Дар маҷмӯа шеъру ғазал, рубоиву фардиёт ва таронаҳои насрии муаллиф гирд оварда шудаанд. «Дар як қисмати шеърҳои маҷмӯа вазъи душвори ҳаёти ҷомеа бозтоб шудааст, ки ҳатто ашк аз таровишҳои хома рашк мебарад ва аз ин рӯ китоб «Рашки ашк» ном гирифтааст», мегӯяд Шавкати Симо, муаллифи маҷмӯа. Шоир Наср Бобои Сарфароз дар сарсухани маҷмӯа навиштааст, ки Шавкат Симо дар пайроҳаи пурпечутоби адабиёт чи дар шеъри суннатӣ ва чи дар шеъри сафед қувва месанҷад. Маҳсули эҷодиёти муаллифи маҷмӯа салису равон ва самимию нишонрас буда, мавзӯъҳои маъмулии адабиёт ба мисли меҳру муҳаббат ба ватану сарзамин, сидқу вафо, қадршиносии падару модар, некию накӯкорӣ ва дигар фазилатҳои накӯи инсониро таҷассум намудааст. Шавкат Симо (Саидов) зодаи Истаравшани бостонӣ буда, соли 1993 бахши журналистикаи Донишгоҳи миллии Тоҷикистонро хатм кардааст. Алҳол котиби матбуотии шаҳрдори Душанбе ва ёвари Раиси палатаи болоии парлумони Тоҷикистон- Маҷлиси миллӣ мебошад. Умед аст, ки дӯстдорони каломи бадеъ маҳсули заҳмати муаллифро дар роҳи пурпечутоби шеъру шоирӣ хуш қабул мекунанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






