Раёсати СММ техникаи компютерӣ тақдим намуд

Душанбе, 6 декабр. (АМИТ «Ховар», Покиза Маҳмадбекова). — Раёсати Созмони Миллали Муттаҳид (СММ) оид ба маводи мухаддир ва ҷинояткорӣ дар Тоҷикистон бо мақсади рушд ва таҳкими иқтидори минбаъда ба шӯъбаи иттилоотию таҳлилии Агентии назорати маводи нашъаовари назди Президенти Ҷумҳурии Тоҷикистон техникаи компютерӣ ва таъиноти махсуси барномавӣ тақдим намуд.Ба мухбири АМИТ «Ховар» аз маркази матбуоти Агентии мазкур иттилоъ доданд, ки вазифаи асосии шӯъба ҷамъоварӣ, нигаҳдорӣ ва таҳлили ахборест, ки ба муомилоти воситаҳои нашъаовар, моддаҳои психотропӣ ва прекурсорҳо иртибот доранд. Маълумоти омодашуда барои истифода ба мақомоти давлатӣ, идораҳои дахлдор ва созмонҳои байналмилалӣ пешниҳод карда мешавад.Таҳлилгарони байналмилалӣ ба фаъолияти шӯъбаи иттилоотию таҳлилии Агентӣ баҳои баланд додаанд. Ба андешаи онҳо имкониятҳои шӯъба аз имкониятҳои марказҳои таҳлилии мақомоти ҳифзи ҳуқуқи кишварҳои аврупоӣ камтар нестанд.Бояд гуфт, ки маблағгузорони лоиҳаи мазкур ИМА ва Канада мебошанд.