Роҳи мошингарди Душанбе – Чаноқ кушода шуд

Душанбе, 22 декабр. (АМИТ «Ховар», Кристина Эрлих). – Тавре сардори шӯъбаи раёсати амалиёти фаврии Вазорати нақлиёти ҶТ Владимир Багуманов ба АМИТ «Ховар» хабар дод, қитъаҳои роҳи  мошингарди Душанбе – Чаноқ барои ҳаракати нақлиёт кушода шудаанд.Мувофиқи суханони манбаъ, чанд рӯз пеш қитъаҳои роҳи мошингарди Душанбе – Чаноқ воқеъ дар километрҳои 195 ва 196 – уми ағбаи Шаҳристон зери тарма монда буданд. Баъди аз барф тоза карда шудани қитъаҳои зикршудаи роҳ ҳаракати нақлиёти автомобилӣ дар он боз барқарор гардид.Хотирнишон месозем, ки давоми як шабонарӯз дар роҳи мошингарди Душанбе – Чаноқ 13 ҳодисаи фуромадани тарма ба қайд гирифта шуд, ки ин боиси дар ағбаи Шаҳристон баста шудани роҳи мошингард гардид.