Рушди соҳаи қӯтоспарварӣ дар ноҳияи Ҷиргатол

Ҷиргатол, 23 декабр. (АМИТ «Ховар», Зебо Давлатова). – Дар ноҳияи Ҷиргатол соҳаи қӯтоспарварӣ рӯ ба тараққӣ овардааст. Тавре муовини аввали раиси ноҳияи Ҷиргатол Ато Ҷӯрабеков ба хабарнигори АМИТ «Ховар» иттилоъ дод, имрӯзҳо дар ноҳия 553 сар қӯтос парвариш шуда, чорводорон азм доранд, ки саршумори онро афзун намоянд.Ато Ҷӯрабеков афзуд, ки бо ин мақсад аз ноҳияи Мурғоб боз 350 сар қӯтос харидорӣ шуд. Айни замон дар мавзеи Бешкамари хоҷагии деҳқонии Бӯстон, ки шароити иқлимиаш ба қӯтоспарварӣ мувофиқ аст, 201 сар қӯтос парвариш карда мешавад.