Сабабҳои беморӣ таҳқиқ мешавад
Душанбе, 16 декабр. (АМИТ «Ховар», Лаззат Диловарзод).- Гирифторӣ ба бемории сил дар минтақаи Кӯлоб ҳанӯз дар замони шӯравӣ боиси нигаронии олимони силшинос гардида буд. Ба асари гирифтори ба ин беморӣ садҳо нафар ҷони худро аз даст доданд, аммо сабабҳои пайдоиши ин беморӣ ҳанӯз ҳам муайян нашудааст. Охири солҳои 80 –уми асри гузашта олимони силшиноси Маскав ба Тоҷикистон даъват шуданд, то корҳои таҳқиқотиро оид ба пайдоиши ин беморӣ анҷом диҳанд. Олимон ба омӯзиши маҳали зисти гирифторони бемории сил дар чанд деҳаи ноҳияи Восеъ ғоз намуданд, вале бо сабаби пош хӯрдани Иттиҳоди Шӯравӣ корҳои таҳқиқотӣ то ба охир анҷом наёфт,- мегӯяд роҳбари ташкилоти ғайридавлатии «Садои кӯҳсор» -и ноҳияи Ховалинг Авазхон Сироҷев. Айни ҳол барои амалигардонии лоиҳаи «Ҳамроҳ ба бемории сил ғолиб меоем», ки он аз тарафи ташкилоти ғайридавлатии «Садои кӯҳсор» бо дастгирии молиявии созмонҳои байналмилалӣ таъсис ёфтааст, таҳқиқот дар чор ноҳияи минтақаи Кӯлоб: Темурмалик, Мӯъминобод, Шӯрообод ва Ховалинг оғоз шуд. Ба гуфти А. Сироҷев, интихоби ин чор ноҳия тасодуфӣ нест, зеро соли ҷорӣ ҳодисаи нави ба бемории сил мубтало шудани 66 нафар шаҳрвандон дар ноҳияи Ховалинг, 166 нафар дар ноҳияи Мӯъминобод, 65 нафар дар ноҳияи Шӯрообод ва 89 нафар дар ноҳияи Темурмалик ба қайд гирифта шудааст. Дар доираи амалисозии лоиҳа таҳқиқот оид ба сабабҳои пайдоиш ва паҳншавии беморӣ оғоз ёфтааст,- афзуд А. Сироҷев ба мухбири АМИТ «Ховар».








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






