Саховат ва хайрхоҳӣ- суннати таърихии тоҷикон

Душанбе, 30 декабр. (АМИТ «Ховар», Покиза Маҳмадбекова). — БДА ҶТ «Амонатбонк» дар арафаи соли нав ба мактаб-интернати таҳсилоти миёнаи умумии рақами яки дорои парваришгоҳ барои бачагони ятиму бебарастори шаҳраки Сомониёни ноҳияи Рӯдакӣ маводи ғизоӣ аз қабили орд, биринҷ, равған, шакар, маҳсулоти кишоварзӣ ва бухориҳои барқӣ дастрас намуд. Ин кӯмак дар маҷмӯъ қариб 9 ҳазор сомониро ташкил медод.Ба мухбири АМИТ «Ховар» аз Хадамоти матбуот ва рекламаи «Амонатбонк» иттилоъ доданд, ки мактаб-интернати мазкур 1375 хонанда дошта, 261 нафари он ятиму бепарастор мебошанд. Ҳамзамон 70 нафари онҳо бо хобгоҳ таъминанд. Дар ин рӯз ба замми кӯмаки ғизоӣ ба тарбиятгирандагон тӯҳфаҳои солинавӣ аз номи Раёсати Амонатбонк тақдим карда шуд.