Сармураббии дастаи мунтахаби Қатар ба истеъфо рафт

Душанбе, 21 декабр. (АМИТ «Ховар», Аловиддин Бӯриев).- Роҳбарияти Федератсияи футболи Қатар сармураббии тими мунтахаби кишвараш Себастян Лазаронии бразилиягиро аз вазифа сабукдӯш кард. Ин мураббӣ ҳамагӣ панҷ моҳ дар ин даста фаъолият карда, қатариҳоро ба даври навбатии бозиҳои интихобии ҷоми ҷаҳон- 2014 баровардааст, вале дар бозиҳои кишварҳои арабӣ дастаи мунтахаби Қатар бозии хуб нишон надода, аз гурӯҳи худ ба бозиҳои минбаъда роҳхат гирифта натавонист. Ин сабаб шуд, ки мураббии бразилиягӣ Себастян Лазаронӣ аз мансаб ронда шавад.