Шароити беҳтарин барои тарбиягирандагон

Хоруғ, 26 декабр. (АМИТ «Ховар», Л.Додо ). – Дар мактаб – интернати вилоятии ноҳияи Рӯшон барои таълиму тарбияи наврасон шароити хуб муҳайёст.Дар давоми 8 соли фаъолияти мактаб – интернат беш аз 100 нафар хатмкунандагони он шомили донишкадаҳои олии мамлакат ва кишварҳои бурунмарзӣ гардидаанд.Ин муассисаи тарбиявӣ дар мадди назари ҳукумати марказӣ ва шахсан Президенти кишвар қарор дорад.Тарбиягирандагони мактаб бо хобгоҳ, китобхона, ошхона ва утоқҳои муҷаҳҳаз таъмин буда, рӯзе барояшон 4 маротиба таом тайёр карда мешавад. Дар доираи супоришҳои Сарвари давлат соли оянда барои дастпарварони ин ҷо хобгоҳи нави замонавии дорои тамоми ашёи лозимӣ ба истифода дода мешавад.