Тӯҳфаи солинавӣ барои кӯдакон

Душанбе, 20 декабр. (АМИТ «Ховар», Людмила Дубинина). – Роҳбарони омӯзишгоҳҳои касбии вилояти Суғд дар Маркази таърихи рушди маорифи назди Академияи маорифи ҶТ бо таърихи барқароршавӣ ва рушди маорифи Тоҷикистон шинос шуданд. Директори марказ Саодат Ҳамидова ба меҳмонон аз таърихи мактаби кӯҳна, ки нависанда, олим ва ходими ҷамъиятии Тоҷикистон Садриддин Айнӣ хусусияи онро дар асарҳояш тасвир карда буд, аз фаъолияти нахустин муаллимон ва мақоми омӯзгорон дар солҳои Ҷанги Бузурги Ватанӣ ва аввалин вазирони маориф нақл кард.Сипас дар Академияи маорифи Тоҷикистон маросими муаррифии маҷмӯаи «Тезгӯяк» баргузор гардид, ки муаллифи он узви вобастаи Академияи маорифи Тоҷикистон Сайидамир Амиров мебошад. Ин китоб барои бачагони синни томактабӣ ва мактабӣ, волидайн, ҳамчунин мураббиҳо ва омӯзгорон пешбинӣ шудааст. Китоби мусаввар тӯҳфаи хуби солинавӣ барои кӯдакон мегардад.