Тӯҳфаи Зафар Сайидзода ба Вазорати фарҳанг

Душанбе, 5 декабр. (АМИТ «Ховар», Лутфия Эшонқулова ). – Мушовири калони Президенти Тоҷикистон, номзади илми фалсафа Зафар Сайидзода қариб ҳамаи нусхаи нашри сеюми рисолаи худро таҳти унвони «Манофеи асосии сиёсати хориҷии Тоҷикистон дар ибтидои қарнҳо» ба Вазорати фарҳанги ҷумҳурӣ тӯҳфа кард. Тавре иҷрокунандаи вазифаи сардори Раёсати Вазорати фарҳанги ҶТ Нуралӣ Мирзоалиев ба АМИТ «Ховар» хабар дод, нашрияи нав ба китобхонаҳои марказҳои вилоятӣ, шаҳру ноҳияҳо ва пойтахт тақдим карда мешавад. Китоб барои сиёсатмадорон, дипломатҳо, олимон, аспирантҳо ва донишҷӯён пешбинӣ шудааст.