Таҳияи чор лоиҳаи нави «БОР» дар Тоҷикистон

Душанбе, 15 декабр. (АМИТ «Ховар», Лаззат Диловарзод).-Бино ба гуфти намояндаи доимии Бонки осиёгии рушд (БОР) дар Тоҷикистон Ҷоҷи Токеши, барои солҳои 2012 – 2014 ба ҶТ дар ҳаҷми 215 млн. доллари амрикоӣ маблағ ва дар ҳаҷми 15, 5 млн. доллар кӯмаки техникӣ ҷудо мегардад. Ин масъала бо Ҳукумати Ҷумҳурии Тоҷикистон мувофиқа шуда, аз ҷониби мақомоти бонкии кишвар маъқул дониста шудааст.Ба иттилои манбаъ, ҳаҷми кӯмаки Бонки осиёгии рушд барои Тоҷикистон дар соли 2012 ба андозаи 62 млн. доллар, барои соли 2013 -69 ва барои соли 2014 дар ҳаҷми 69 млн. доллар пешбинӣ шудааст. Соли 2012 дар асоси лоиҳа барои таҷдиду навсозии роҳи автомобилгарди Айнӣ — Панҷакент, ки 125 километри он таҷдид мегардад, аз 120 то 125 млн. доллар ҷудо карда мешавад. Бонки осиёгии рушд ҳамчунин барои амалисозии лоиҳаи энергияи барқароршаванда ва ду лоиҳа дар ҷамоатҳои маҳаллӣ оид ба рушди роҳҳои нақлиётӣ ва энергетика кӯмак хоҳад кард.