Танзимро бояд риоя кард

Декабрь 27, 2011 17:08

Душанбе, 27 декабр. (АМИТ «Ховар», Дилшодаи Хайруллоҳ). – Дар доираи силсилаи чорабиниҳо дар робита ба санҷиши фаъолияти комиссияҳои ҷамъиятии танзими анъана ва ҷашну маросимҳои дастгоҳи марказӣ ва муассисаҳои зерсохтори Вазорати фарҳанги Тоҷикистон мизи мудаввар баргузор шуд.Дар он вазири фарҳанги Ҷумҳурии Тоҷикистон Мирзошорух Асрорӣ, мудири Раёсати танзими анъана ва ҷашну маросимҳои Кумитаи корҳои дини назди Ҳукумати Ҷумҳурии Тоҷикистон Азизулло Мирзоев ва намояндаҳои тамоми зерсохторҳои вазорат иштирок намуданд. Мудири раёсати танзими анъана ва ҷашну маросимҳои Кумитаи корҳои дини назди Ҳукумати Ҷумҳурии Тоҷикистон Азизулло Мирзоев аз моҳият ва аҳамияти Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» , ташкили комиссияҳои ҷамъиятӣ дар ташкилоту идораҳо новобаста ба шакли моликияти онҳо бо мақсади тарғибу ташвиқи моҳият ва аҳамияти Қонуни мазкур дар назди ҳозирин суханронӣ намуда, аз натиҷаи санҷиши гурўҳи корие, ки дар ҳайати кормандони Раёсати танзими анъана ва ҷашну маросимҳои Кумитаи корҳои дини назди Ҳукумати Ҷумҳурии Тоҷикистон ташкил шуда буд ва аз фаъолияти комиссияҳои ҷамъиятии танзими анъана ва ҷашну маросимҳои дастгоҳи марказӣ ва муассисаҳои зерсохтори Вазорати фарҳанги Ҷумҳурии Тоҷикистон санҷиш ба амал оварданд, сухан гуфт.
 
Тӯли чанд рӯз бо мақсади иҷрои банди 24-и «Нақшаи барномаҳои телевизионӣ дар муассисаи давлатии телевизиони «Сафина» барои амалӣ гардонидани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» барои соли 2011» ва нақшаи кории Кумитаи корҳои дини назди Ҳукумати Ҷумҳурии Тоҷикистон, ки аз 08.12.2011, №112 тасдиқ гардидааст, аз ҷониби гурўҳи кории кормандони Раёсати танзими анъана ва ҷашну маросимҳои кумитаи мазкур фаъолияти комиссияҳои ҷамъиятии танзими анъана ва ҷашну маросимҳои дастгоҳи марказӣ ва муассисаҳои зерсохтори Вазорати фарҳанги Ҷумҳурии Тоҷикистон санҷиш ба амал оварда шуд.

Декабрь 27, 2011 17:08

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд