Тарғиби тарзи ҳаёти солим миёни наврасону ҷавонон

Душанбе, 8 декабр. (АМИТ «Ховар», Назокат Қодирова).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади дар сатҳи баланди фарҳангӣ таҷлил намудани Наврўзи Аҷам, эҳё ва гиромидошти суннатҳои милливу аҷдодӣ баргузории чорабиниҳои фарҳангию варзишӣ ва адабию тарбиявиро пешбинӣ намудааст. Бо мақсади ташвиқу тарғиби варзиш ва бад-ин васила ташаккул додани тарзи ҳаёти солим дар байни наврасону ҷавонон Кумита дар моҳҳои январу феврали соли 2012 байни мактаббачагону донишҷўён, мактабҳои таҳсилоти миёнаи умумӣ, муассисаҳои таҳсилоти ибтидоӣ, миёна ва олии касбӣ мунтазам тадбирҳои варзишӣ меандешад.