Тарбияи мутахассисон дар Хатлон

Қурғонтеппа, 6 декабр. (АМИТ «Ховар», Мурод Сотиев ). – Раиси вилояти Хатлон Ғайбулло Афзалов ба хатмкунандагони аввали «Мактаби захираҳои кадрии вилоятӣ» диплом супорид. Зимни баргузории чорабинии тантанавӣ Ғ. Афзалов зикр намуд, ки 25 шунавандаи мактаби мазкур дар асоси озмуни комисияи махсус интихоб гардида буданд. Машғулият дар тӯли ду моҳ дар шаҳри Қурғонтеппа аз ҷониби мутахассисони ботаҷрибаи фанҳои гуногун гузаронида шуд. «Ифтитоҳи мактаби захираҳои кадрӣ имконият фароҳам меорад, ки дар оянда аз ҳисоби ҷавонони маҳаллӣ мутахассис тарбия намоем»,- иброз намуд Ғ. Афзалов.