Татбиқи лоиҳаҳои нави Тоҷикистону Ҷопон

Душанбе, 16 декабр. (АМИТ «Ховар», Лаззат Диловарзод).- Бино ба маълумоти маркази матбуотии Вазорати рушди иқтисод ва савдо, татбиқи лоиҳаҳо дар бахши хусусӣ, кишоварзӣ, омӯзиши таҷриба ва дигар бахшҳои иқтисодию иҷтимоӣ барои соли 2012 миёни Тоҷикистон ва давлати Ҷопон пешбинӣ шудааст.Ба иттилои манбаъ, барои амалишавии ин лоиҳаҳо дар вохӯрие, ки муовини директори ҷамъияти Ҷопон оид ба савдо бо Русия ва Иттиҳоди Давлатҳои Мустақил хонум Ваҷима Ники бо роҳбарияти Вазорати рушди иқтисод ва савдо доир намуд, сухан рафт. Дар рафти вохӯрӣ ҷонибҳо перомуни масъалаҳои ҷорӣ ва дурнамои ҳамкориҳои мутақобилан судманд ҷиҳати рушди соҳаҳои мухталафи иқтисоди миллӣ ибрози назар намуданд.