Таваҷҷӯҳ ба омӯзиши забони давлатӣ

Хоруғ, 27 декабр. (АМИТ «Ховар», Л.Додо). – Кӯдакистони рақами 5 – и шаҳри Хоруғ яке аз кӯдакистонҳои беҳтарини маркази ВМКБ мебошад. Дар ин муассиса беш аз 200 нафар кӯдакон тарбия ёфта, дар он ба омӯзиши забони давлатӣ эътибори ҷиддӣ дода мешавад. Ба гуфти садри кӯдакистон Нигор Шукруллоева, ҳамаи чорабиниҳои ин муассиса бо забони давлатӣ ҷараён мегиранд. Кӯдакон вобаста ба синну солашон шеър аз ёд мекунанд, байни гурӯҳҳо озмунҳои байтбарак гузаронида мешаванд. Дар ин ҷо ҳамчунин ба омӯзиши забонҳои русию англисӣ эътибори ҷиддӣ медиҳанд.