Таваҷҷӯҳи сафирони Британия ва Амрико ба Панҷакент

Душанбе, 5 декабр. (АМИТ «Ховар», Бекназари Абӯбакр). -Чанде қабл Сафири Британияи Кабир дар Тоҷикистон Тревор Мур ва Сафири ИМА дар Тоҷикистон Кен Гросс аз шаҳри Панҷакент дидан карданд.Зимни сафар меҳмонон бо аъзои гурӯҳи кории шаҳрӣ мулоқот намуда, оид ба таҳияи «Барномаи рушди шаҳри Панҷакент барои солҳои 2011 — 2015» табодули афкор намуданд.Ҳамчунин, онҳо ба лоиҳаҳои Сафорати Амрико оид ба нигаҳдории ёдгориҳо, БРСММ дар Ассотсиатсияи истифодабарандагони оби «Одил Темур» ва аз фаъолияти ҶММ «Симо ТВ» ошно шуда, аз Донишкадаи омӯзгории Тоҷикистон дар Панҷакент, мамнӯъгоҳи Саразм, мақбараи устод Рӯдакӣ дар деҳаи Панҷрӯд боздид намуданд.Меҳмонон бо раиси шаҳри Панҷакент Хусрав Абдуназаров мулоқот намуда, роҷеъ ба масоили мавриди таваҷҷӯҳи тарафайн табодули назар карданд.