Теъдоди номзадҳои илм меафзояд

Хоруғ, 30 декабр. (АМИТ «Ховар», Л.Додо). – Дар даврони Истиқлолияти давлатии Тоҷикистон шумораи олимони кишвар аз ҳисоби зодагони Бадахшон хеле афзуд. Ин афзоиш асосан баъди таъсиси Донишгоҳи давлатии ба номи Моёншоҳ Назаршоеви шаҳри Хоруғ ва Пажӯҳишгоҳи мардумшиносии Академияи улуми ҷумҳурӣ мустақар дар шаҳри Хоруғ ҷараён дорад. Танҳо дар Донишгоҳи давлатии шаҳри Хоруғ аз соли 1992, яъне аз рӯзи таъсисёбии Донишгоҳ, 40 нафар хатмкардаи он рисолаҳои номзадиро дар марказҳои илмии ҷумҳурӣ ва 3 нафар рисолаҳои докториро дар шаҳри Лондони Британияи Кабир ҳимоя карданд. Ғайр аз ин соли 2011 – ум 4 нафар соҳиби унвони номзади илм гардиданд.