Толори нави варзишӣ

Хоруғ, 17 декабр. (АМИТ «Ховар», Л.Додо). – Дар маҳаллаи Теми шаҳри Хоруғ бо иштироки доираи васеи варзишгарону мураббиён толори нави гӯштин дари худро барои паҳлавонон боз намуд. Толори гӯштин бо маблағгузории соҳибкор Мунаввар Шамбиев қомат афрохта ва дар он барои машқу тамрини доимии наврасону ҷавонон шароити хуб муҳайё шудааст.Баъди ифтитоҳи расмии толори нав дар ин ҷо мусобиқаи кушоди шаҳрӣ бо иштироки варзишгарони ҷамоатҳои Сучону Поршиневи ноҳияи Шуғнон аз намуди дюдо баргузор гардида, дар он сад нафар паҳлавонон қувваозмоӣ намуданд.