Ватанов бо муҳоҷирони меҳнатӣ вомехӯрад
Душанбе, 6 декабр.(АМИТ «Ховар», Марзия Саидова).- Бо супориши Шукурҷон Зуҳуров, Раиси Маҷлиси намояндагони Маҷлиси Олии ҷумҳурӣ, раиси Кумитаи қонунгузорӣ ва ҳуқуқи инсони палатаи поёнии парлумони мамлакат Маҳмадалӣ Ватанов 6 декабр ба шаҳри Санкт-Петербурги Русия сафар кард. Мавсуф зимни сафар ба Санкт-Петербург, ки он то 11 декабр идома меёбад, бо ҷараёни корҳои тафтишотӣ нисбати куштори ваҳшиёнаи шаҳрванди Тоҷикистон Бахтиёр Расулов, ки нимаи моҳи ноябр ба қатл расонида шуд, шинос мегардад. Назар ба иттилои Муҳаммадато Султонов, котиби матбуотии Маҷлиси намояндагон, ҳамзамон Маҳмадалӣ Ватанов дар Санкт-Петербург бо роҳбарон ва масъулини сохторҳои қудратӣ ва ҳифзи ҳуқуқу тартиботи ин шаҳр ва муҳоҷирони меҳнатии тоҷик вохӯрию мулоқот анҷом медиҳад. Баъди бозгашт ба Тоҷикистон М. Ватанов дар назди вакилони Маҷлиси намояндагон аз натиҷаҳои сафараш ҳисобот хоҳад дод.Ёдовар мешавем, ки охири моҳи ноябр Шукурҷон Зуҳуров, раиси палатаи поёнии парлумони Тоҷикистон, нисбат ба куштори ваҳ- шиёнаи сокини ноҳияи Шаҳритус Бахтиёр Расулов дар Санкт-Петербург изҳорот пахш намуда, ин ҳодисаи нангинро шадидан маҳкум кард. Раиси Маҷлиси намояндагон дар изҳороти худ аз прокурори генералии Русия ва маъмурони шаҳри Санкт-Петербург қотеъона талаб намуд, ки нисбат ба қазияи мазкур тафтиши амиқ баранд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
