Вазъи чорводорӣ дар Темурмалик

Кӯлоб, 24 декабр. (АМИТ «Ховар», С.Холов ). – Дар ноҳияи Темурмалик дар давоми солҳои охир саршумори чорво афзоиш меёбад. Заҳматкашони хоҷагии деҳқонии «Олучабулоқ» — и ноҳия ба чорводорӣ машғул буда, дар хоҷагӣ асосан зоти гӯсфанди серпашми дарвозӣ парвариш меёбад. Айни замон чорво дар чарогоҳҳои тобистона нигоҳубин карда шуда ва то баргаштани чорво хоҷагидорон оғилхонаҳоро таъмир ва миқдори зарурии хӯроки зимистонаро захира менамоянд. Фаъолияти хуби хоҷагидорон ба он мусоидат намуд, ки қарзҳои солҳои қаблии хоҷагӣ пурра пардохта шуд ва нақшаи истеҳсоли ҳама гуна маҳсулот барзиёд иҷро гардад. Чорводорон ният доранд, ки бо истифода аз имкониятҳои мавҷуда маъракаҳои тароши пашм ва наслгириро дар оянда хуб ба роҳ монда, саршумори чорворо зиёд намоянд. ва дар таъмини амнияти озуқаворӣ ва коркарди саноатии пӯсту пашм дар кишвар саҳм гузорнд.