Вазорати энергетика ва саноат ба хонаи кӯдакон кӯмак расонид

Душанбе, 28 декабр. (АМИТ «Ховар», Лутфия Эшонкулова).- Дар арафаи Соли нави 2012 Вазорати энергетика ва саноати Ҷумҳурии Тоҷикистон барои 121 нафар тарбиятгирандаи Хонаи кӯдакони деҳаи Танобчии ноҳияи Темурмалик ба маблағи 8000 сомонӣ маводи хӯрокӣ, либосу пойафзол ва молҳои ниёзи аввал, аз қабили орду равған, шакар, гӯшту биринҷ, пойафзолҳои гарм, собун, лампаҳои каммасраф ва ғайра кӯмак расонид.Ин иқдом дар доираи Амри Президенти ҶТ аз 12 анвари соли 2008 оид ба расонидани кӯмаки доимии моддию молиявӣ ба маъюбону пиронсолон, иштирокчиёни ҶБВ, оилаҳои камбизоат, хона-интернатҳо ва муассисаҳои иҷтимоӣ мунтазам амалӣ мегардад. Вазорати энергетика ва саноати ҶТ дар чорабиниҳои дигари ин муассиса низ саҳми назаррас дошта, соли ҷорӣ туйи суннатии 40 нафар тарбиятгирандаро баргузор намуд.Дар ин бора ба АМИТ «Ховар» аз котиботи Вазорати энергетика ва саноати ҶТ хабар доданд.