Вохӯрии ССКА – «Истиқлол» ба рӯзи дигар гузаронида шуд

Душанбе, 6 декабр. (АМИТ «Ховар», Пайрав Назаров ). – Бозии мавқуф гузошташудаи даври 30 – уми мусобиқоти Тоҷикистон оид ба футбол байни клубҳои ССКА «Помир» ва «Истиқлол», ки бояд 6 декабр баргузор шавад, бинобар шароити номусоиди ҳаво ба рӯзи дигар гузаронида шуд. Тавре сомонаи клуби футболи «Истиқлол» хабар медиҳад, мутобиқи қарори Федератсияи футболи Тоҷикистон ин бозӣ рӯзи чоршанбеи 7 декабр дар варзишгоҳи «Авиатор» — и пойтахт сурат гирифта, доварии онро гурӯҳе бо сарварии довари ФИФА Равшан Эшматов ба ӯҳда дорад.