Ярмаркаи ҷойҳои кории холӣ
Душанбе, 23 декабр. АМИТ «Ховар», Дилшодаи Хайруллоҳ). –Имрӯз бо ташаббуси Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон дар бинои Сирки давлатии Тоҷикистон ярмаркаи умумишаҳрии ҷойҳои кории холӣ ва вазифаҳои озод баргузор гардид. Дар он Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар шаҳри Душанбе, раёсатҳои он дар ноҳияҳои Сомонӣ, Шоҳмансур, Фирдавсӣ, Сино, инчунин раёсатҳои шаҳрҳои Турсунзода, Ваҳдат ва ноҳияи Варзоб иштирок намуда, ҷойҳои кории холиро барои ниёзмандон пешниҳод намуданд.Дар ярмарка 100 корхонаю муассисаи шаҳри Душанбе ва ноҳияҳои атрофи пойтахт иштирок ва ба корҷӯён 1854 ҷойи кории холиро пешниҳод намуданд. Дар рафти ярмарка зиёда аз 670 нафар шаҳрванди корҷӯй ва бекор иштирок намуд, ки ба 215 нафар барои кор роҳхат дода шуд. Мавриди зикр аст, ки ташкил ва гузаронидани ярмаркаҳои ҷойҳои кории холӣ дар фаъолияти мақомоти давлатии шуғли аҳолӣ дар самти мусоидат ба шуғл нақши муҳим дорад ва тибқи нақша имсол дар пойтахт 32 ярмарка ташкил шудааст, ки тавассути он 1183 нафар бо ҷойи кори доимӣ таъмин шудаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






