Забон донӣ ҷаҳон донӣ
Душанбе, 9 декабр.(АМИТ «Ховар», Марзия Саидова).-Дар Донишкадаи ҷумҳуриявии такмили ихтисос ва бозомӯзии кормандони соҳаи маориф семинари методии омӯзгорони забони русӣ, ки муддати се рӯз идома дошт, ба кори худ анҷом бахшид. Чорабинии мазкур дар доираи ҳамкории Вазорати маорифи кишвар бо «Россотрудничество» /Русия/ ташкил шуда, ҳадафаш баланд бардоштани маҳорат ва малакаи касбӣ, муносибати нав ба фан, истифода аз компютер ва технологияи муосир дар дарсҳои забон ва адабиёти рус буд. Сиддиқ Муборак, котиби матбуотии Вазорати маорифи ҷумҳурӣ ба АМИТ «Ховар» иттилоъ дод, ки дар семинар мутахассисони варзидаи донишгоҳҳои Русия, устодони донишкадаву донишгоҳҳои Тоҷикистон, омӯзгорони забони русӣ аз шаҳру навоҳии Душанбе, Варзоб, Ваҳдат, Ҳисор, Турсунзода иштирок доштанд. Иштирокчиёни семинар доир ба мавзӯъҳои муҳим — истифодаи равандҳои коркарди электронии маводи омӯзишӣ, мушкилоти умдаи грамматикаи забони русӣ, одоби муошират дар дарсҳо ибрози назар карданд. Абдуҷаббор Раҳмонов, вазири маорифи ҷумҳурӣ дар мавриди такмили омӯзиши забони русӣ, китобҳои дарсӣ, баланд бардоштани маҳорати касбии муаллимон тавассути баргузории чорабиниҳои мухталиф ибрози назар намуд. Ҳамзамон Ирина Каримова, президенти Академияи таҳсилоти Тоҷикистон ва С. Киселёв, намояндаи «Россотрудничество» дар Тоҷикистон ба фаъолияти минбаъдаи омӯзгорони забон ва адабиёти рус комёбиҳо таманно карданд








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






