1 миллион сомонӣ ба суратҳисоб ворид шуд

Хоруғ, 24 январ. (АМИТ «Ховар», Л.Додо ). – Саховати табиат барои ноҳияи Мурғоб беҳамтост. Дар ин ҷо баробари санги қиматбаҳои ёқут ганҷҳои дигаре низ мавҷуданд, ки ҷиҳати беҳбудии рӯзгори мардум мавриди истифода қарор мегиранд. Неъмати дигари ин диёр ҳайвоноти ваҳшии кӯҳу биёбонҳост, ки аз тамошову шикори онҳо аз ҷониби хориҷиён ба буҷаи ноҳия ҳар сол маблағи зиёде ворид мешавад. Тавре муовини раиси Раёсати муҳити зисти вилоят Фарҳод Маҳмадназарбеков иттилоъ дод, аз ҳисоби шикори нахчири Марко Поло 1 миллион сомонӣ ба суратҳисоби махсуси ноҳияи Мурғоб ворид гардид.