Қарордодҳои ҳамкорӣ чаро иҷро намегарданд?
Душанбе, 26 январ.(АМИТ «Ховар», Марзия Саидова).-«Парлумони Тоҷикистон омодааст, то бо парлумони Муғулистон робитаҳоро барқарор намуда, дар ин замина ба таъсиси гурӯҳи дӯстӣ низ иқдом намояд». Ин нуктаро Шукурҷон Зуҳуров, раиси Маҷлиси намояндагон дар ҷараёни мулоқоташ бо сафири фавқулодда ва мухтори Муғулистон дар Тоҷикистон Аюрзан Хараавч зикр кард. Ш. Зуҳуров доир ба фаъолияти парлумони мамлакат маълумот дода гуфт, ки Маҷлиси намояндагон бо таҳия ва қабули қарору қонунҳо ва тасвиби созишномаву конвенсияҳо бо парлумонҳои кишварҳои ҷаҳон ва созмонҳои парлумонӣ ҳамкории наздик дорад. Вай доир ба робитаҳои гуногунсоҳаи ҳар ду кишвар дахл намуда афзуд, ки Тоҷикистону Муғулистон имкон доранд дар соҳаҳои энергетика, канданиҳои фоиданок, чорводорӣ, хусусан коркарди чарму пашм, меваю сабзавот ҳамкории мутақобилан судмандро роҳандозӣ намоянд. Раиси палатаи поёнии парлумони Тоҷикистон бо ишора ба сатҳи начандон назарраси ҳамкории иқтисодӣ таъкид кард, ки байни ҳарду кишвар чанд санади ҳамкорӣ ба имзо расидааст, мутаассифона, ин қарордодҳои ҳамкорӣ то кунун иҷро нагардидаанд. Ҳамзамон зикр шуд, ки созишномаҳое, ки аз ҷониби ҳукуматҳои ҳарду мамлакат ба имзо расидаанд, бояд амалӣ шаванд. Сафири Муғулистон изҳор дошт, ки ба ҳайси сафир тамоми имкониятро барои рушди ҳамкориҳои мутақобилан судманди ҳар ду кишвар равона менамояд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






